განვითარების ახალი ფილოსოფია ყველა „ფრონტზე“; განვითარების ახალი პარადიგმის ჩამოყალიბება; მაღალი ხარისხის განვითარება; რეფორმების გაღრმავება ჩინეთის მოდერნიზაციის ხელშეწყობისთვის; მაკრო რეგულირების გაძლიერება; ინოვაციებზე ორიენტირებული განვითარების გაღრმავება; შიდა მოთხოვნის პოტენციალის გამოყენება; ბიზნეს სუბიექტების სიცოცხლისუნარიანობის გაძლიერება; სტაბილიზაცია – ეს იმ საკითხების მცირე ჩამონათვალია, რომელიც ჩინეთის მთავარი პოლიტიკური პარტიის ცენტრალურმა კომიტეტმა მასშტაბურ სიმპოზიუმზე განიხილა.
სიმპოზიუმს თავად ჩინეთის სახალხო რესპუბლიკის პრეზიდენტი უძღვებოდა, რომელიც სიტყვით გამოვიდა და გარკვეულ მიმართულებებზე გააკეთა აქცენტი.
საზოგადოების ნდობის ამაღლება, მდგრადი ეკონომიკური აღდგენის გაძლიერება, ადამიანების კეთილდღეობის ეფექტიანად უზრუნველყოფა და გაუმჯობესება, სოციალური სტაბილურობის შენარჩუნება და წლის ეკონომიკური და სოციალური განვითარების მიზნების მტკიცედ შესრულება – ეს ჩინეთის მთავარ პრიორიტეტებად სახელდება.
სიმპოზიუმზე განიხილეს და შეაფასეს არსებული ეკონომიკური მდგომარეობა და ასევე იმსჯელეს წლის მეორე ნახევრის ეკონომიკური მუშაობის შესახებ. პრიორიტეტებად ასევე დასახელდა სამეცნიერო და ტექნოლოგიური სისტემის რეფორმის გაღრმავება, ბუნებრივი რესურსების მართვა, ბიოწარმოების ინდუსტრიის განვითარების კოორდინაცია, ტაივანის დაფინანსებული ელექტრონული საინფორმაციო ინდუსტრიის ტრანსფორმაციისა და განახლების მხარდაჭერა, დასაქმების სტაბილიზაცია და სხვა.
როგორც სი ძინპინმა აღნიშნა, მიმდინარე სირთულეები და გამოწვევები, რომლებიც წარმოიქმნება ჩინეთის ეკონომიკურ განვითარებაში, არის ი განვითარებისა და ტრანსფორმაციის პროცესში, რომელთა სრულად დაძლევა შესაძლებელია ერთობლივი ძალისხმევით.
„ჩვენ უნდა გავზარდოთ ჩვენი ნდობა განვითარების მიმართ, შევინარჩუნოთ სტრატეგიული გადაწყვეტილება და პროაქტიულად ვუპასუხოთ პრობლემებსა და გამოწვევებს, რითაც მივაღწიოთ ხელშესახებ შედეგებს მაღალი ხარისხის განვითარების წინ ჩინეთის ეკონომიკის პოზიტიური სურათის შესაქმნელად“ – აღნიშნა პრეზიდენტმა გამოსვლაში.
ასევე, ყურადღება გამახვილდა ხელოვნური ინტელექტის ეკონომიკურ და სოციალურ განვითარებასთან ინტეგრაციის ხელშეწყობაზე.
